خليك مسلم إيجابي خليك مسلم بجد
لما تشوف واحد تعبان ومش لاقي يتعالج ما تقولش وأنا مالي
طالما انا معايا فلوس يبقى خلاص مش مهم عندي أي حد تاني !!
لما تلاقي واحد فقير مش لاقي ياكل ما تقولش وانا مالي أهم
حاجة إن عندي أكل ومش مهم الناس التانية تموت من الجوع !
لما تلاقي طفل من أطفال الشوارع ما تقولش وانا مالي المهم
عندي ولادي وبس ومش مهم الأطفال التانيين !
لما تلاقي مسكين مش لاقي مكان يبات فيه ما تقولش وانا مالي
المهم إن عندي بيت فيه كل الكماليات ومش مهم
الناس التانية عايشة فين !
لما تبقي راكب عربيتك ما تقولش مش مهم عندي الناس اللي
ماشية على رجليها دي المهم أنا وبس !!
لما تلاقي حد ظروفه صعبة شوية او أقل منك في اي شئ ما
تتكبرش عليه وتتعالى عليه وتفتكر نفسك أحسن منه !
كل النعم اللي إنت فيها دي ممكن تروح منك في لحظة وممكن
تلاقي نفسك مكان حد فيهم ومفيش حد مهتم يساعدك
ممكن في لحظة تصاب بمرض خطير مالوش علاج أو علاجه
هيكلفك كل اللي تملكه !!
ممكن في لحظة تموت وتسيب كل اللي انت فيه ده !
حاااول على قد ما تقدر تساعد اللي حواليك ..
وما تنساش أن كل ده ربنا بيجازيك عنه في الدنيا والآخرة
خليك شخص إيجابي في مجتمعك
خليك مسلم بجد
حتي لو بسمة صغيرة في وش المحتاج دي هتفرحه كتييير
وهيحس انه بني آدم زيك ..
