مين ناوي يقاطع التليفزيون في رمضان ويتفرغ للعبادة والطاعة وقراءة القرآن ؟؟
معقول فيه ناس لسة بتفكر تقاطع ولا لأ ؟!!
طيب لو لسة بتفكر هقولك
هيا أيام رمضان دي هتتعوض تاني ؟
لا طبعا مش هتتعوض لأن اليوم اللي بيعدي مش هيرجع تاني وهيبقي شاهد لك يا إما شاهد عليك .
لكن كل برامج ومسلسلات التليفزيون دي هتتعاد 500 مرة بعد كده
هل رمضان بروحانياته وإيمانياته الجميلة دي تتناسب معاه المسلسلات والبرامج التافهة اللي بيشغلونا بيها عن طاعة ربنا ؟؟
ما تقولش انا بسلي صيامي ولا مش لاقي حاجة أعملها!!
سلي صيامك بالقرآن وبذكر الله
ما تفوتش أي دقيقة في رمضان من غير ما يكون فيها طاعة حتى النوم
انوي قبل ما تنام انك هتنام علشان تقدر تقوم تصلي وتواصل الطاعة هتاخد أجر حتى على النوم وهيبقى نومك عبادة .
ما تقولش انا هتابع بس مسلسل واحد ولا حتى برنامج واحد
لاااااا ده أكبر غلط لأن قلبك هيتعلق بحاجة غير الطاعة وهيتشغل
وهتلاقي العبادة بقت تقيلة وروحانيات رمضان راحت ومش هتحس بطعم العبادة وجمالها .
رمضان 30 يوم بس وبيعدوا بسرعة جدااا
جرب تعيشه مع ربنا وتسيب الدنيا ومشاكلها
عندك كل يوم دعوة مستجابة ادعي بكل اللي نفسك فيه
في كل ليلة فيه عتقاء من النار تخيل لو فات رمضان وإنت مش واحد منهم
أي حسرة هتكون فيها !!
انوي من دلوقتي إن رمضان ده يكون أفضل_رمضان مر عليك في حياتك
وتابع معنا مشاريع_رمضان وشوف مشروعك هيكون إيه
بلغنا الله وإياكم رمضان وأعاننا فيه على طاعته كما يحب ويرضي آآميين
