الحاجة المؤكدة اللي هتحصلنا كلنا في المستقبل

حد فينا يعرف أو ضامن إيه اللي هيحصله في المستقبل ؟

مفيش حد مننا يعرف إيه اللي هيحصله 

لكن الحاجة الوحيدة المؤكدة اللي هتحصلنا 

هي 

إننا كلنا هنموت 

ومع ذلك بننساها ونتجاهلها وبنعمل حساب للمستقبل كأننا هنفضل عايشين إلى الأبد

عمرك فكرت في لحظة موتك ؟

عمرك فكرت هتكون سعيد ولا ندمان ساعتها ؟

عمرك فكرت إنك ممكن تموت بعد دقيقة واحدة ؟

عمرك فكرت إن حياتك فرصة واحدة بس مش هتتكرر تاني ؟

عمرك فكرت إنك لو مت وندمت مش هينفع ترجع تاني ؟

عمرك فكرت في أول ليلة هتقضيها في القبر في الظلام الدامس ؟

عمرك فكرت هتفضل قد إيه في القبر ليوم القيامة ؟

عمرك فكرت مين اللي هيفتكرك بعد ما تموت ويعملك حسنات جارية ؟

عمرك فكرت إن يوم القيامة ده مقداره 50 الف سنة ؟!

عمرك فكرت إنك ممكن تدخل النار ؟

طيب عمرك فكرت يعني ايه نار أصلا وشكلها ازاي وإنك ممكن تفضل فيها إلى الأبد 

أعاذنا الله وإياكم جميعا

عمرك فكرت في الجنة ونعيمها وتخيلت ممكن يكون فيها إيه ؟

عايزن نخلي تفكيرنا للآخرة مش للدنيا

شجع أصحابك على الأعمال الصالحة

اعمل لنفسك صدقة جارية قبل ما تموت

ابدأ ببروفايلك على الفيس خليه صدقة جارية تنفعك

اللي هيموت مننا مش هيرجع تاني

الدنيا مهما عشنا فيها ما هي إلا ساعات معدودة يبقى نفكر في الدنيا بقدر بقائنا فيها

ونفكر في الآخرة بقدر بقائنا فيها

عايزين نكون صحبة في الجنة إن شاء الله 

الأخلاء يومئذ بعضهم لبعض عدو إلا المتقين

تدبر آيات الله 

{ الأخلاء يومئذ بعضهم لبعض عدو إلا المتقين } [الزخرف:67]

 قال الحسن البصري: استكثروا من الأصدقاء المؤمنين؛ فإن الرجل منهم يشفع في قريبه وصديقه،

 فإذا رأى الكفار ذلك قالوا :{ فما لنا من شافعين ولا صديق حميم }[الشعراء:100-101]

كيف تبتعد عن المعاصي

لو شغلت نفسك بطاعة عمرك ما هتفكر في معصية أبدااا 

اجبر نفسك تعمل أي طاعة وبعدين هتلاقي صدرك انشرح وبقيت 

بتعملها ونفسك مفتوحة وحاسس بسعادة 

قال أبو يزيد : 

ما زلت أقود نفسي إلى الله وهي تبكي، حتى سقتها 

وهي تضحك

أنفقوا على الفقراء ينفق الله عليكم

الشتاء علي الأبواب إخواني وأخواتي فلا تنسوا الفقراء والمساكين في هذا البرد القارس ..  ساعدوهم ولو بوجبة ساخنة ولو بملابس مستعملة او بطانيات مستعملة بحالة جيدة ..  أعانكم الله علي فعل الخير 

ساعـات كِتــير بنكون تايهـين فـي الدُّنيا

ساعـات كِتــير بنكون تايهـين فـي الدُّنيا وللمـوت ناسيين 

عايشين حياتنا في المعاصي مع إن كلنا في يوم رايحين 

لعالم تاني خالص مفيهوش لا غني ولا فقير ولا وزير وغفير

صاحـب المـال زي المسكين كلهم في تـراب ليوم الـدين 

هتــعيش حيـاتـك فــي المعـاصي وتنسـي إن الله رقـيب 

وتـلاقي نفسك مُت فجأة حطوك في قبـر سـابوك لوحدك

مـن غــير لا مـالك ولا مـوبـايـلك ولا حتـى اي حـد قـريـب 

تفـتح عيـونك تلاقـي ظلام تقول ياريتني سمـعت الكلام 

كـلام اللي يـاما نصـحوني انّي اتُـوب وافـوق من الأوهـام 

بـس الدُنيا غـرتني وقــلت المُـوت مـش للي فـي سني 

أنا لـسة صــغير سيبوني أعــيش براحـتي وابـعدوا عني 

هو المــوت كان امتـى فــرق بيــن الصــغير وبين الكــبير 

ولا بـين واحــد سلـــيم وواحد مــريض مــرض خـــطير 

كــلنا فـي يـــوم أكـيد هــنموت مــهما طـالت الســنين 

يبـــقى نلــحق نفـــسنا ونـعمل للآخــرة واحنا عاشين 

قبــل مـا يفــوت الأوان و الحـــسرة تبــقى ليــنا عنـوان 

يـلا كلـنا نفوق وندعي ربنا يهدينا ويرزقنا جنة الرضوان 

هل في نار جهنم برد ؟

هل في نار جهنم برد ؟

اشتكت النار إلي ربها !!!

..


عن أبي هريرة قال:

قال رسول الله صلى الله عليه وسلم: "اشتَكَتِ النارُ إلى ربها ، فقالتْ : ربِّ أكلَ بعضي بعضًا ، فأذِنَ لها بِنَفَسَيْنِ: نَفَسٍ في الشتاءِ ونَفَسٍ في الصيفِ ، فأشدُّ ما تجدونَ من الحرِّ ، وأشدُّ ما تجدون من الزَّمْهَرِيرِ .

الراوي: أبو هريرة المحدث: البخاري - المصدر: صحيح البخاري 

الزمهرير هو البرد الشديد

وهنا التساؤل كيف يكون في جهنم برد ؟


إن جهنم ليست محلا واحد إنما زوايا عديدة فيها العذب بالنار والعذاب بالبرد الشديد .
وقال بعض أهل العلم : ان الذي خلق الملك من ثلج ونار قادر على جمع الضدين في محل واحد . وأيضا فالنار من أمور الآخرة والآخرة لا تقاس على أمر الدنيا.

اللهم إنا نعوذ بك من النار وما قرب إليها من قول ومن عمل

لماذا نصوم عاشوراء

ـــــــــــــــــ لماذا نصوم عاشوراء ـــــــــــــــــ
☆☆¸.•*¨*`•.¸☆☆¸☆☆¸.•*¨*`•.¸☆☆¸
-*-*

عَنْ ابْنِ عَبَّاسٍ رَضِيَ اللَّهُ عَنْهُمَا قَالَ قَدِمَ النَّبِيُّ صَلَّى اللَّهُ عَلَيْهِ وَسَلَّمَ الْمَدِينَةَ فَرَأَى الْيَهُودَ تَصُومُ يَوْمَ عَاشُورَاءَ فَقَالَ مَا هَذَا ؟ قَالُوا هَذَا يَوْمٌ صَالِحٌ هَذَا يَوْمٌ نَجَّى اللَّهُ بَنِي إِسْرَائِيلَ مِنْ عَدُوِّهِمْ فَصَامَهُ مُوسَى ، قَالَ فَأَنَا أَحَقُّ بِمُوسَى مِنْكُمْ فَصَامَهُ وَأَمَرَ بِصِيَامِهِ . "

رواه البخاري

استحباب صيام تاسوعاء مع عاشوراء**

روى عَبْدَ اللَّهِ بْنَ عَبَّاسٍ رَضِيَ اللَّهُ عَنْهُمَا قال :
حِينَ صَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمَ عَاشُورَاءَ وَأَمَرَ بِصِيَامِهِ قَالُوا يَا رَسُولَ اللَّهِ إِنَّهُ يَوْمٌ تُعَظِّمُهُ الْيَهُودُ وَالنَّصَارَى فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ فَإِذَا كَانَ الْعَامُ الْمُقْبِلُ إِنْ شَاءَ اللَّهُ صُمْنَا الْيَوْمَ التَّاسِعَ قَالَ فَلَمْ يَأْتِ الْعَامُ الْمُقْبِلُ حَتَّى تُوُفِّيَ رَسُولُ اللَّهِ صَلَّى اللَّهُ عَلَيْهِ وَسَلَّمَ . رواه مسلم

مراتب صيام عاشوراء**

أن نصوم يوم عاشوراء وقبله يوم وبعده يوم وهذا أعلى المراتب
ان نصوم يوم عاشوراء ويوم قبله < أو > يوم بعده
أن نصوم عاشوراء فقط وهذا أدنى المراتب
وصومه مفردا مكروه حتى لا نتشبه باليهود .

تقبل الله صومكم وغفر ذنبكم آميين